Քաղաքապետարանի ճեմասրահում բացվել է ամանորյա բարեգործական տոնավաճառ

Երևանի քաղաքապետարանի ճեմասրահում բացվել է ավանդական դարձած ամանորյա բարեգործական տոնավաճառը, որը Երևանի քաղաքապետարանի աջակցությամբ կազմակերպում է «Հայաստանի երիտասարդ կանանց ասոցիացիա»-ն։ Այս տարի ներկայացված ավելի քան 80 տաղավարներում իրենց բազմազան արտադրանքն ու ձեռագործ աշխատանքներն են ներկայացնում ՀՀ մարզերի կին արտադրողները, անհատներ, միջազգային կառույցներ: Բարեգործական ծրագրին մասնակցում են նաև դեսպանությունները, այդ թվում՝ ՀՀ-ում Չինաստանի, Բրազիլիայի Դաշնային Հանրապետության, Արգենտինայի, Շվեյցարիայի, Արաբական Միացյալ Էմիրությունների, Լիտվայի դեսպանատները: Տոնավաճառին մասնակցել են նաև սիրիահայ կանայք: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը:

Բացման հանդիսավոր արարողությանը ներկա է գտնվել, ապա տաղավարներում շրջել և վաճառքի համար ցուցադրության ներկայացված ապրանքների տեսականուն ծանոթացել նաև Երևանի քաղաքապետի տեղակալ Արամ Սուքիասյանը:

ԿԱՐԴԱԼ ԱՎԵԼԻՆ