Դասընթաց «Հակամարտությունների լուսաբանման սկզբունքներն ու չափանիշները»

Եվրասիա համագործակցություն հիմնադրամը (ԵՀՀ) Մեծ Բրիտանիայի կառավարության աջակցությամբ կազմակերպում է «Հակամարտությունների լուսաբանման սկզբունքներն ու չափանիշները» խորագրով դասընթաց, որի ընթացքում լրագրողները կծանոթանան հակամարտությունների լուսաբանման միջազգային փորձին և ձեռք կբերեն գործնական հմտություններ: Դասընթացը կվարեն «Երևանի մամուլի ակումբ» և «Ինտերնյուս Հայաստան» լրագրողական կազմակերպությունների փորձառու մասնագետները:

Դասընթացին մասնակցելու հայտ կարող են ներկայացնել թեմայով հետաքրքրված տպագիր և էլէկտրոնային (հեռուստատեսություն, ռադիո, ինտերնետ, այլ) լրատվամիջոցների ներկայացուցիչները: Մասնակցության համար անհրաժեշտ է ԵՀՀ ներկայացնել.

1. Ռեզյումե (2 էջից ոչ ավելի)

2. Միջազգային, քաղաքական կամ այլ հակամարտությունների վերաբերյալ մեկ հոդված կամ տեսա-աուդիո հաղորդագրություն կամ այլ հեղինակային նյութ:

Դասընթացը տեղի կունենա ս.թ. դեկտեմբերի 5-ից 7-ը, Երևանում: Մարզային լրագրողների ճանապարհածախսը, սնունդը և հյուրանոցային ծախսերը հոգում է ԵՀՀ-ը: Հայտերի ներկայացման վերջնաժամկետն է` ս.թ. դեկտեմբերի 1-ը:

Լրացուցիչ տեղեկությունների համար դիմել Իզաբելլա Սարգսյանին՝ 58-60-95 (303) հեռախոսահամարով (isargsyan@epfound.am) կամ Սվետլանա Հովհաննիսյանին 58-60-95 (304)։ Մեր հասցեն է` ք. Երևան, Զարոբյան փ. 56, www.epfound.am:

Isabella Sargsyan

Communications Officer

Eurasia Partnership Foundation

56 Zarobyan Street

Yerevan 0009, Armenia

Tel.: (374.10) 58.60.95 x 303

Fax: (374.10) 58.60.96<