Active citizens ծրագիրը մեկնարկեց 2009 թվականին Միացյալ Թագավորությունում և Աֆրիկյան ու Ասիական 8 երկրում, այդ թվում Նիգերիայում, Նեպալում, Քենիայում, Բանգլադեշում և Պակիստանում:
2010 թվականին Հյուսիսային, Կենտրոնական, Հարավարևելյան Եվրոպայի 20 այլ երկներ և Իսրայելը սկսեցին ծրագրի իրագործումն իրենց երկրներում:
ACTIVE CITIZENS-Ը ՀԱՅԱՍՏԱՆՈՒՄ
2010-2011 թվականներին Active citizens ծրագիրը մեկնարկում է Վայոց Ձորի մարզում` Եղեգնաձորում և հարակից գյուղերում: Ակնկալվում է, որ ապագայում ծրագիրը կիրականացվի Հայաստանի այլ մարզերում ևս: Ծրագիրն իրականացվում է Հայաստանի երիտասարդ կանանց ասոցիացիայի Եղեգնաձորի մասնաճյուղի հետ համագործակցությամբ: Մենք ուրախ կլինենք համագործակցել այն գործընկերների հետ, ովքեր հետաքրքրված են ծրագրով:
Մենք աշխատում ենք համայնքի առաջնորդների և համայնքային կազմակերպությունների հետ (դպրոցներ, համալսարաններ, առևտրային միություններ, կուսակցություններ, տեղական ինքնակառավարման մարմիններ, հանրային ծառայություններ մատուցողներ, փոքր և միջին բիզնես և այլն): Մենք հնարավորություն ենք ստեղծում համայնքի ներկայացուցիչներին աշխատել միասին` կամավորական հիմունքներով:
ԾՐԱԳԻՐԸ
Ծրագրի ընթացքում մասնակիցները
- կբացահայտեն ինքնությունը
- կարժևորեն բազմազանությունը և կփորձարկեն նոր հեռանկարներ ժողովրդավարական ներգրավվածության բնագավառում, կծանոթանան Միացյալ Թագավորության փորձին
- կստեղծեն միջազգային ցանցեր
- կզարգացնեն գլոբալ խնդիրները տեղական մակարդակով լուծելու ցանկությունը
- կդառնան ավելի փորձառու միջմշակութային հաղորդակցման բնագավառում, այդ հմտությունները կօգտագործեն համայնքային կյանքում, ինչպես նաև
- Միացյալ Թագավորությունը կներկայացվի որպես գլոբալ հարթակ և ռեսուրս ժողովրդավարական ներգրավվածության բնագավառում
- Տեղական դասընթացների անցկացման շնորհիվ կներկայացվեն գլոբալ քաղաքացիությունը, արդյունավետ աշխատելու հմտությունները: Մասնակիցները ավելի լավ կճանաչեն տեղական համայնքները և փոխադարձ կապերը գլոբալ մակարդակով: Դասընթացների ընթացքում մասնակիցները կծանոթանան ծրագրի կազմման, ծրագրի կառավարման, գումարների հայթայթման և ցանցեր ստեղծելու հիմունքներին: Դասընթացներից հետո մասնակիցներն իրենք կանցկացնեն դասընթացներ իրենց համայնքներում և իրենց ցանցերի համար
- Մասնակիցները կկազմեն և կիրականացնեն սոցիալական գործողությունների ծրագրեր` հաշվի առնելով իրենց ձեռք բերած հմտություններն ու գիտելիքները: Լավագույն գաղափարների իրականացման համար հնարավոր է ֆինանսավորում Բրիտանական խորհրդի կամ այլ հնարավոր հովանավորների կողմից
- Միջազգային փոխանակումներն ու ցանցերը մասնակիցներից մի քանիսին հնարավորություն կտան ծանոթանալ միջազգային փորձին: Անգլերենի իմացությունը պարտադիր պահանջ է լինելու այս փուլին մասնակցելու համար:
Ուստի մենք փնտրում ենք մարդկանց և կազմակերպությունների
- սոցիալական արդարության գիտակցմամբ
- ձևավորված համայնքով և հանրապետական ցանցերով
- տեղական մշակույթի և ինքնության հստակ գիտակցմամբ
- մշտապես սովորելու և հորիզոններն ընդլայնելու պատրաստակամությամբ
- հաղորդակցվելու և մարդկանց ոգևորելու հմտությամբ
Լրացուցիչ տեղեկությունների համար զանգահարեք (+374 0281) 2 20 40; (+374 091) 82 35 69 հեռախոսահամարներով կամ դիմեք Active citizens ծրագրի ղեկավար` Ինեսսա Մուրադյանին` էլ. հասցեին:
Կից տես դիմում հայտի ձևը`
Մեր երկիրը գտնվում է քաղաքացիական հասարակության և ժողովրդավարության զարգացման ճանապարհին: Այս բարդ ու պատասխանատու ժամանակներում, ինչպես ամենուր, շատ մեծ է կնոջ դերը...
ՀԵԿԱ ինչպես որ կա
ՀԵԿԱ Կին ձեռներեցներ
ՀԵԿԱ Խաղահրապարակ
ՀԵԿԱ. Հույսի կենտրոն
