Իրականացվել է "Ամանորին ընդառաջ" ցուցահանդես-վաճառք

tsayg.am
Հայաստանի երիտասարդ կանանց ասոցացիան, ՓՄՁ զարգացման Ազգային կենտրոնի Գյումրու մասնաճյուղը Շիրակի մարզպետարանի և Գյումրու քաղաքապետարանի հետ համատեղ Գյումրիում առաջին անգամ կազմակերպել և անցկացրել են կին ձեռներեցների ձեռքի աշխատանքների ցուցահանդես-վաճառք: "Ամանորին ընդառաջ" խորագրով միջոցառումը լուրջ նպատակ է հետապնդել՝ տեսանելի դարձնել կանանց աշխատանքն ու նրանց դուրս բերել շուկա: Նման ցուցահանդեսներն, ըստ "Հայաստանի երիտասարդ կանանց" ասոցացիայի նախագահ Լիլիթ Ասատրյանի, մշտապես կազմակերպվել են Երևանում: Այս անգամ ձևաչափը փոխվել է, և որոշվել առավել մոտենալ հանրապետության մարզերին: Ընտրվել է Շիրակը: Այստեղ ձեռներեց և շնորհալի շատ կանայք կան,-համոզված նշել է Գյումրու քաղաքապետարանի մամլո պատասխանատու Զոհրապ Եգանյանն ու ավելացրել, որ այս և նմանատիպ ձեռնարկները կօգնեն մասնակիորեն լուծելու ինչպես զբաղվածության խնդիրն, այնպես էլ զարգացման դեպքում նաև ֆինանսական եկամուտ կապահովվի: Դիտեք տեսանյութը:



ԱՂԲՅՈՒՐ