Վերջին լուրերը

2014թ. օգոստոսի 22-ին Հայաստանի երիտասարդ կանանց ասոցիացիայի (ՀԵԿԱ) նախագահ Լիլիթ Ասատրյանը բարձրացավ Արարատի գագաթ՝ ծածանելով ՀԵԿԱ-ի դրոշը և վերելքը նվիրելով ՀԵԿԱ-ի գործունեության 10-ամյակին:

Հայաստանի ԱՄՆ շրջանավարտների ասոցիացիայի գրասենյակում Հայաստանի երիտասարդ կանանց ասոցիացիայի (ՀԵԿԱ) նախագահ Լիլիթ Ասատրյանը ներկայացրեց «Համատեղ ջանքեր հանուն զարգացման» ծրագիրը, որն իրականացվում է ԱՄՆ Պետդեպարտամենտի աջակցությամբ:

Ախթալայում Հայաստանի երիտասարդ կանանց ասոցիացիայի (ՀԵԿԱ) մասնակցությամբ և աջակցությամբ տեղի ունեցավ արդեն ավանդական դարձած Խորովածի 6-րդ համահայկական փառատոնը:
Փառատոնին մասնակցում էին ոչ միայն հայկական ռեստորաններ, այլև թիմեր Վրաստանից, ՀՀ Պաշտպանության նախարարության թիմը, Վանաձորի մանկատան և հատուկ դպրոցների սաների թիմը և այլն:

ՀՀ Լոռու մարզի Օձուն համայնքում տեղի ունեցավ «Օձունի գանձերը» երրորդ ամենամյա միջհամայնքային փառատոնը, որին մասնակցեց նաև Հայաստանի երիտասարդ կանանց ասոցիացիան (ՀԵԿԱ):
ՀԵԿԱ-ի կողմից այցելուներին ներկայացվեցին «ՀայԿար» սոցիալական ձեռնարկության տարբեր արտադրանքներ, ՀԵԿԱ-ի նախաձեռնությամբ Լոռու մարզի տարբեր համայնքներում ստեղծված կարպետագործության և կավագործության խմբակների աշխատանքները:

ՀՀ Տավուշի մարզի սահմանամերձ Բերդ քաղաքում տեղի ունեցավ արդեն ավանդական դարձած Շամշադինի մեղրի և հատապտուղների փառատոնը, որին մասնակցեց նաև Հայաստանի երիտասարդ կանանց ասոցիացիան (ՀԵԿԱ):
ՀԵԿԱ-ի կողմից այցելուներին ներկայացվեցին «ՀայԿար» սոցիալական ձեռնարկության տարբեր արտադրանքներ, ՀԵԿԱ-ի նախաձեռնությամբ Լոռու մարզի տարբեր համայնքներում ստեղծված կարպետագործության և կավագործության խմբակների աշխատանքները:

Դիլիջանում տեղի ունեցավ «Մշակութային վերածնունդ» գորգագործության և դեկորատիվ-կիրառական արվեստների փառատոնը, որին իր մասնակցությունը ցուցաբերեց նաև Հայաստանի երիտասարդ կանանց ասոցիացիան (ՀԵԿԱ):

Հայաստանի երիտասարդ կանանց ասոցիացիայի (ՀԵԿԱ) կողմից Ախթալայում հիմնվեց հերթական՝ կավագործության խմբակը, որի շրջանակներում ՀԵԿԱ-ի Ախթալայի գրասենյակում կայացավ կավագործության դասընթացի առաջին օրը:
Դասընթացն անցկացվում է ՀՀ Լոռու մարզի Ախթալա քաղաքի ու հարակից համայնքների կանանց և աղջիկների համար:

ՀՀ վարչապետ Հովիկ Աբրահամյանը, Լոռու մարզ կատարած հերթական աշխատանքային այցի շրջանակներում, այցելեց նաև Ախթալա քաղաք, որտեղ վարչապետը շրջայց կատարեց Ախթալայի լեռնահարստացման կոմբինատում, ներկա գտնվեց համայնքի հիմնանորոգված մանկապարտեզի և մանկական խաղահրապարակի բացմանը: Աշխատանքային այցի շրջանակներում ՀՀ վարչապետ Հովիկ Աբրահամյանը ծանոթացավ Հայաստանի երիտասարդ կանանց ասոցիացիայի (ՀԵԿԱ) գործունեությանը, մասնավորապես Լոռու մարզում իրականացվող ծրագրերին և առաջիկա նախաձեռնություններին:

ՀՀ Լոռու մարզի Սպիտակ քաղաքում կայացավ Սպիտակ քաղաքի և շրջակա Լեռնանցք, Ջրաշեն, Լեռնավան, Սարամեջ, Շիրակամուտ, Գեղասար, Սարահարթ, Շենավան, Քարաձոր, Ղուրսալի համայնքների համախմբի համար Տեղական տնտեսական զարգացման (ՏՏԶ) մոդելի մշակման արդյունքների ներկայացումը: ՏՏԶ մոդելի ներկայացումը կազմակերպվեց «Կանանց սոցիալ-տնտեսական հզորացում Հայաստանում» ծրագրի շրջանակներում, որն իրականացվում է Հայաստանի երիտասարդ կանանց ասոցիացիայի (ՀԵԿԱ) կողմից` Եվրամիության ֆինանսավորմամբ:

Լոռու մարզի Ախթալայի քաղաքապետարանում տեղի ունեցավ տեղեկատվական դասընթաց Լոռու մարզում Հայաստանի երիտասարդ կանանց ասոցիացիայի (ՀԵԿԱ) նախաձեռնությամբ հիմնված Կանանց խորհուրդների ներկայացուցիչների համար: Դասընթացն անցկացվեց «Կանանց սոցիալ-տնտեսական հզորացում Հայաստանում» ծրագրի շրջանակներում, որն իրականացվում է ՀԵԿԱ-ի կողմից` Եվրամիության ֆինանսավորմամբ: