Եւրոմիութեան Ծրագիրը Հայաստանի Մշակութային Ժառանգութեան Նոր Շունչ Պիտի Հաղորդէ

yerakouyn.com
Եւրոմիութեան արեւելեան գործընկերութեան ծրագրի ծիրէ ներս Հայաստանի, Ուքրանիոյ, Վրաստանի մէջ ֆինանսաւորուող «Մշակոյթի նոր շունչ. հարստացուր ժառանգութիւնը արուեստի կեանքով» ծրագիրը Հայաստանի մէջ կը նպաստէ աւանդական մշակութային ժառանգութեան` մասնաւորապէս թանգարանային ոլորտի զարգացումին: Այս մասին՝ ըստ «Արմենփրես»-ին` Հոկտեմբեր 27-ին հրաւիրուած ասուլիսի ընթացքին յայտնած է Հայաստանի երիտասարդ կանանց ընկերակցութեան նախագահ Լիլիթ Ասատրեան:

Տարեսկիզբին մեկնարկած ծրագրի ծիրէն ներս կը նախատեսուի Նոյեմբերին կազմակերպել եռօրեայ երկու դասընթացք տեղական հասարակական կազմակերպութիւններու, թանգարաններու, ստեղծագործող նախաձեռնողական խումբերու եւ զբօսաշրջութեան ոլորտի ներկայացուցիչներու համար: «Ծրագրի նպատակն է առաջին հերթին նպաստել թանգարանային ոլորտում նորարարական ծրագրերի խրախուսմանը: Աշխարհում կան բազմաթիւ փորձեր, երբ թանգարանը ընկալւում է ոչ թէ որպէս ստատիկ տարածք, այլ շատ լաւ հարթակ ոչ ֆորմալ կրթութեան համար»,- ըսած է Ասատրեան: Անոր խօսքով` ծրագիրը կը խթանի նաեւ թանգարաններու եւ հասարակական կազմակերպութիւններու առաւել աշխոյժ համագործակցութեան: «Սա ոչ միայն հնարաւորութիւն է գտնելու նոր համագործակցութեան եզրեր, այլեւ խթան՝ զբօսաշրջային ընկերութիւնների փորձի փոխանակման, հայկական մշակոյթն աշխարհին ներկայացնելու համար»,- ըսած է հասարակական կազմակերպութեան նախագահը:

Ծրագրի ծիրէն ներս պիտի իրականացուին համագործակցութեան զարգացման ուղղուած դասընթացներ, ստեղծագործական վարպետութեան դասընթացներ, ինչպէս նաեւ դրամաշնորհային մրցոյթ հասարակական կազմակերպութիւններու եւ թանգարաններու համատեղ ծրագիրներու իրականացման համար: Հասարական կազմակերպութեան եւ թանգարանի համագործակցութեան մէկ ծրագիրի իրականացման համար կը տրամադրուի 2-10 հազար եուրոյին համերժէք ՀՀ դրամ: Ծրագրի համար ընդհանուր սահմանուած է 70 հազար եուրօ, որը հաւասարապէս պիտի բաշխուի երեք երկիրներու միջեւ:

«Ծրագիրը մեկնարկած է այս տարի միաժամանակ երեք երկիրներու մէջ, ուր մշակութային իրավիճակը նման է: Մշակութային իրավիճակը այնպիսին, է որ կան թանգարաններ, որոնք զբօսաշրջային կեդրոններ կը համարուին, եւ այնտեղ ամէն ինչ լաւ է, մինչդեռ մենք պէտք է փորձենք այնպէս ընել, որ թանգարանները կարեւոր դառնան հնարաւորին չափ շատ թիւով մարդոց, երիտասարդներու համար»,-ըսած է Ուքրանիոյ «Տոտեմ» կազմակերպութեան նախագահ Ալեոնա Աֆանասեվան: Ան տեղեկացուցած է, որ Ուքրանիոյ թանգարաններուն մէջ աշխատակիցներու կրճատման, պետական ֆինանսաւորման կրճատման միտում կայ, եւ տարածաշրջանային թանգարանները ունին «փրկութեան» կարիք:

«Մշակոյթի նոր շունչ. հարստացուր ժառանգութիւնը արուեստի կեանքով» ծրագիրը, որ մեկնարկած է 2012 թուականի սկիզբը եւ երէք երկիրներու` Հայաստանի, Ուքրանիոյ եւ Վրաստանի մէջ, կը ֆինանսաւորուի Եւրոմիութեան կողմէ: Ծրագիրը պիտի աւարտի 2013 թուականի Դեկտեմբերին:

ԱՂԲՅՈՒՐ