ՀԵԿԱ-ն հայտարարում է փոքր դրամաշնորհային ծրագրերի մրցույթի նոր փուլը նշված համայնքներում

ՀԵԿԱ-ն իրականացնում է «Կանանց մասնակցության խրախուսումը տեղական մակարդակում՝ սոցիալական ձեռներեցության միջոցով» ծրագիրը, որի նպատակն է` բարձրացնել կանանց մասնակցությունը սոցիալական, քաղաքական և տնտեսական ոլորտներում` զարգացնելով նրանց հմտություններն ու կարողությունները, աջակցելով ինքնավստահության բարձրացմանն ու մոտիվացմանը:

Ծրագրի շրջանակներում ընտրված համայնքների համար իրականացվել են կարողությունների զարգացման եռօրյա դասընթացներ, որոնց նպատակն է` ՀՀ մարզերում բարձրացնել կանանց մասնակցությունը սոցիալական, քաղաքական և տնտեսական ոլորտներում` կանանց ձեռնարկատիրական հմտությունների և գիտելիքների զարգացման միջոցով:

Դասընթացի արդյունքում կազմավորվել են համայնքային կանանց խորհուրդներ, որոնք մասնակցել են առաջին փուլի փոքր դրամաշնորհային ծրագրերի մրցույթի (€100-200)՝ համայնքային և միջհամայնքային սոցիալական նախաձեռնությունների իրականացման համար:
Համայնքային և միջհամայնքային սոցիալական նախաձեռնությունների փուլն արդեն ամփոփվել է: Հայտնի են այն կանանց խորհուրդները, որոնք իրականացնելու են սոցիալական նախաձեռնություններն իրենց համայնքերում:

ՀԵԿԱ-ն հայտարարում է փոքր դրամաշնորհային ծրագրերի մրցույթի նոր փուլը (€100-200)՝ համայնքային և միջհամայնքային սոցիալական նախաձեռնությունների իրականացման համար:
Ծրագրին կարող են մասնակցել հետևյալ մարզերի այն կանայք, ովքեր մասնակցել են ծրագրի առնվազն առաջին փուլին (եռօրյա դասընթացներին).
Նախաձեռնությունները պետք է իրականացվեն հետևյալ վայրերում.
ՀՀ ք. Երևան,
ՀՀ Արմավիրի մարզ,
ՀՀ Արագածոտնի մարզ,
ՀՀ Շիրակի մարզ

Հայտերի ընդունման վերջնաժամկետն է 08.10.2018թ.
Հայտի Ձև