“Հայաստանում գրանցված գործազուրկների 70 տոկոսից ավելի կանայք են”

henaran.am
“Հայաստանի երիտասարդ կանանց ասոցիացիա” ՀԿ-ն այս տարի նշում է իր գործունեության 10-ամյակը: Այս մասին այսօր “Հենարան” մամուլի ակումբում ասաց ասոցիացիայի նախագահ Լիլիթ Ասատրյանը: Նա նշեց նաև, որ 2014թ-ը հայտարարել են Պատասխանատվության տարի: Նա նշեց նաև, որ որպես կին` իրենց մեծագույն երկրին, երեխաներին ծառայելն է:

“Հայաստանում այսօր կանայք բազմազան խնդրներ ունեն, որոնցից հիմնականը զբաղվածության հարցն է: Հայաստանում գրանցված գործազուրկների 70 տոկոսից ավելի կանայք են: Մենք մեր առջև խնդիր ենք դրել կանանց աշխատանք գտնելու հնարավորություն տալ և նպաստել տնտեսության զարգացմանը”,- ասաց նա:

Բանախոսը նշեց, որ 10 տարվա ընթացքում Հայաստանի ողջ տարածքում ՀԵԿԱ-ն իրականացրել է 100-ից ավելի ծրագրեր, որոնք ուղղված են ՀՀ համայնքների զարգացմանը, կանանց տնտեսական մասնակցության խթանմանը, համայնքային գործընթացներում ներգրավմանը:

ՀԵԿԱ-ն հիմնել և համակարգում է երկու ցանցեր` ՀՀ “Կին ձեռներեցների ցանցը” և “Աղջիկների երկիր” ցանցը, որը միավորում է մարզերում բնակվող 13-22 տարեկան 2.5 հազարից ավելի աղջիկների:

Լիլիթ Ասատրյանը տեղեկացրեց նաև, որ իրենց 10-ամյակին նվիրված միջոցառումների շրջանակներում ապրիլի 6-ին Երևանի Կարապի լճի մերձակայքում, ժամը 11-20-ը ՀԵԿԱ-ն կազմակերպում է բարեգործական բացօթյա ցուցահանդես վաճառք` նվիրված կանանց միամսյակին:

ԱՂԲՅՈՒՐ