Հայաստանի երիտասարդ կանանց ասոցիացիայի բարեգործական ընթրիքը

el.am
«Արմենիա Մարիոթ» հյուրանոցի «Արարատ» սրահում տեղի է ունեցել Հայաստանի երիտասարդ կանանց ասոցիացիայի կազմակերպած բարեգործական ընթրիքը: Ասոցիացիայի հիմնադրման 10-ամյա հոբելյանին նվիրված միջոցառումների շրջանակում անցկացված այս բարեգործական ընթրիքի նպատակն էր՝ միջոցներ հայթայթել հանրապետության մարզերում բնակվող և սոցիալապես անապահով կանանց ու նրանց ընտանիքների համար: Երեկույթի ընթացքում տեղի ունեցավ «Կանայք բարձրության վրա-5165» մրցանակաբաշխությունը, որի ընթացքում մրցանակներ հանձնվեցին ամենատարբեր բնագավառներում գործունեություն ծավալած կանանց: Միջոցառումն ուղեկցվեց համերգային ծրագրով: Երեկույթի հյուրերի շարքում էին գործարարներ, պաշտոնատար անձինք, հասարակական-քաղաքական, մշակույթի, կրթության և այլ բնագավառների ներկայացուցիչներ, ինչպես նաև պատվիրակներ դիվանագիտական կառույցների ու միջազգային կազմակերպությունների կողմից:

ԱՂԲՅՈՒՐ