ՏԱՐՈՆ ՄԱՐԳԱՐՅԱՆՆ ԱՅՑԵԼԵԼ Է «ՀԱՅԱՍՏԱՆԻ ԵՐԻՏԱՍԱՐԴ ԿԱՆԱՆՑ ԱՍՈՑԻԱՑԻԱՅԻ» ԿԱԶՄԱԿԵՐՊԱԾ ՑՈՒՑԱՀԱՆԴԵՍ-ՏՈՆԱՎԱՃԱՌ

Երևանի քաղաքապետ Տարոն Մարգարյանն այցելել է «Հայաստանի երիտասարդ կանանց ասոցիացիայի» Երևանի քաղաքապետարանի ճեմասրահում կազմակերպած ցուցահանդես-տոնավաճառ։ Տարոն Մարգարյանը, ծանոթացել է վաճառքի համար ցուցադրության ներկայացված ապրանքների տեսականուն, նաև գնումներ կատարել:
Երևանի քաղաքապետի աջակցությամբ կազմակերպված ցուցահանդես-տոնավաճառին մասնակցել են հայաստանյան կին արտադրողներ, տեղական և միջազգային կազմակերպություններ, դեսպանություններ:
Տարոն Մարգարյանը ողջունել է նման միջոցառման կազմակերպումը: Տոնավաճառից ստացված հասույթն ուղղվելու է մարզերում արվեստի և արհեստների խմբակների ստեղծմանը նպաստելուն: «Հայաստանի երիտասարդ կանանց ասոցիացիայի» նախագահ Լիլիթ Ասատրյանը նշել է, որ այդ խմբակներում ձեռք բերելով հմտություններ` կանայք տնտեսապես ավելի կայուն կլինեն:

Աղբյուր